ملتان۔ 31 مارچ (اے پی پی) چیئرمین سینیٹ سید یوسف رضا گیلانی عالم ا??لام کوں عید الفطر دی مبارخ ݙیندے آکھئے جو ای?? موقع تے مظلوم فلسطینیاں کوں ضرور یاد رکھݨا چاہیدے،خوشی دے ای?? ویلھے اچ اساکوں آپݨے فلسطینی بھرا تے بھیݨاں دے ݙکھ کوں نی بُھلݨا چاہیدا ،مظلوم فلسطینیاں دیاں قربانیاں ضائع نہ ویسن ۔چیئرمین سینیٹ یوسف رضا گیلانی ملتان اچ عید الفطر دی نماز پڑھݨ دے بعد میڈیا نال ڳالھ مہاڑ کریندے پئے ہن۔انہاں عالم ا??لام کوں عید دی مبارخ ݙیندے سارے مسلماناں کیتے خوشحالی اتے امن دی خواہش دا اظہار کیتے۔ سید یوسف رضا گیلانی رمضان المبارک دے مقدس مہینے د?? روحانی اہمیت دا اعتراف کریندے پاکستان دی خوشحالی و ترقی اتے قومی سلامتی سانڳے ساریاں سیاسی جماعتاں وچال اتحاد دی لوڑھ تے زور ݙتے ۔ انہاں آکھئے ساریاں سیاسی قوتاں کوں ملکی ترقی اتے استحکام سانڳے رل تے کم کرݨا چاہیدے ۔قومی سلامتی بارے ڳالھ کریندے انہاں آکھئے قومی سلامتی کونسل دے اجلاساں اچ اہم معاملات تے غور کیتا ڳئے۔ سارے سیاستدان ھ?? تھی تے قوم دی حالت بدلن سارے سیاستدان رل تےغریب عوام کوں ریلیف ݙیون ، کوشش اے جو او اقدامات کریسن جیڑھے قوم دے مفاد اچ ہوسن ۔چیئرمین سینیٹ عالمی خدشات بالخصوص موسمیاتی تبدیلیاں تے روشنی پیندے ای?? ڳالھ تے زور ݙتے جو موجودہ ماحولیاتی مسئلیں توں جمہوری طریقے نال نبڑیا ونڄ سڳدے ۔ انہاں آکھئے اساکوں ھک متحد اتے جمہوری نقطہ نظر دے نال موسمیاتی تبدیلی دے چیلنجز نال نبݨݨا چاہیدے ۔یوسف رضا گیلانی قومی سلامتی سانڳے آپݨے غیر متزلزل عزم دا اعتراف کریندے پاکستان دی مسلح افواج دی قربانیاں کوں خراج تحسین وی پیش کیتے۔ انہاں آکھئے ساݙی افواج اپݨے مستقبل کوں محفوظ بݨاوݨ سانڳے بے پناہ قربانیاں ݙیندی پئی اے ۔ملک و قوم دی سلامتی یقینی بݨاوݨ اچ پاک فوج دے کردار،لگن اتے بہادری دی تعریف کریندے انہاں آکھئے ساݙی افواج ساݙے کل دی حفاظت سانڳے آپݨا حال قربان کریندی پئی اے ۔ انہاں آکھئے خوشی دے ای?? موقع تے اساکوں غزہ اتے کشمیر دے لوکاں تے انہاں نینگراں کوں آپݨے خیال اچ رکھݨا چاہیدے جنہاں نیک مقصد سانڳے آپݨیاں جاناں قربان کیتن ۔ اساکوں آپݨے وطن اتے آزادی سانڳے لڑݨ آلیں دیاں قربانیاں کوں کݙاہیں نی بُھلݨا چہیدا ۔ ای?? دوران یوسف رضا گیلانی دے اتحاد، لچک اتے شکرگزاری دی اہمیت تے زور ݙیندے آکھئے اساکوں پسماندہ لوکاں دی مدد کرݨ تے خوشحال پاکستان سانڳے اجتماعی ذمہ واری نال کم کرݨا چاہیدے۔
.jpg)
.jpg)