واشنګټن 21 ستمبر (اے پي پي) وزيراعظم شاهد خاقان عباسي وئيلي دي چې پاكستان د ترهګرې په ضد جنګ كښې فعاله شراكت دار دے٬ پاكستان افغانستان سره په پوله په سختو سيمو كښې د شدت خوښو لخوا كارول كېدونكي ټول پټنځايونه له مېنځه وړي۔ ده دا خبرې نيويارك ټائمز سره په يوه مر??ه كښې كړې دي كومه چې ?? شورو په ورځ خپره شوې۔ وزيراعظم څوك چې د ملګرو ملتونو د عمومي اسمبلۍ په غونډه كښې د ګډون كولو په لړ كښې په نيويارك كښې دے٬ ووئيل چې په پاكستان كښې دا تاثر دے چې د ترهګرې د لعنت په ضد سره د ټولو هڅو د امريكې لخوا د پاكستان ډاډګېرنه نه ??ه شوې او زمونږ د قربانې بېزه جوړول كېږي۔ ده ووئيل چې مونږ د ترهګرې په ضد فعاله شراكتدار يو٬ دلته دا خبره د ذكر وړ ده چې لكه څنګه چې په امريكائي مېډيا كښې رپورټ شوې چې د پاكستان په اړه د امريكې نوې پاليسي او د هند په پلو د هغې په ټېټېدلو په هېواد كښې سخت غبرګون موندل كېږي او تجزيه كوونكو خبردارې وركړې چې د امريكې د نوې پالېسې د ګارګر كېدو امكان نشته او دې سره به په افغانستان كښې د امن مقصد په ترلاسه كولو كښې مشكل پېدا شي او له بلې خوا پاكستان كوم چې د ترهګرې په ضد نړيوال جنګ كښې لوي قيمت ادا كړے٬ څو ځله په دې خبره زور وركړے چې هغه د ترهګرو په ضد د كوم فرق نه بغېر كارروائي كوي او انتهاخوښي عناصر په تښته دي او هغو په ګاونډي هېواد افغانستان كښې پناه اخيستې۔ وزيراعظم نيويارك ټائمز سره په مر??ه كښې ووئيل چې د پاكستان وسله والو ځواكونو افغانستان سره په پوله په سختو سيمو كښې د شدت خوښو لخوا كارول كېدونكي ټول پټنځايونه له مېنځه وړي۔ شاهد خاقان عباسي په سپيو ټكو كښې ووئيل چې د پاكستان پوځ په سيمه بېرته كنټرول ترلاسه كړے او اوس د ترهګرې هېڅ يوه اډه نشته۔ نيويارك ټائمز د وزيراعظم په اړه وئيلي دي چې پاكستان سره ټېكټيكل نيوكلير وسله نشته۔ ده ووئيل چې پاكستان سره مختصر فاصله ويشتونكې نيوكليئر وسله ده كومه چې د جنګ په مېدان كښې كارولو لپاره نه ده ډيزائن كړې شوې او دا په سخت حفاظتي كمانډ اېنډ كنټرول كښې ده۔
