اسلام آباد۔25جنوری(اے پی پی)وزیر خارجہ شاہ محمود قریشی آکھیے جو پاکستان بین الافغان مذاکرات کوں افغانستان اچ دیرپا امن کیتے ہک بہترین موقع سمجھدے، بین الافغان مذاکرات دا نتیجہ خیز تھیوݨ خطے اچ امن واستحکام کیتے ٻہوں اہم تھی ڳئے۔ اے ڳالھ وزیر خارجہ شاہ محمود قریشی اپݨے افغان ہم منصب محمد حنیف آتمر نال ٹیلیفون تے الویندے آکھی اتے انہاں ݙو طرفہ تعلقات، افغان امن عمل سودھا باہمی دلچسپی دے امور تے الوائے۔ وزیر خارجہ آکھیا جو پاکستان شروع توں ہی افغان مسئلے دے پرامن، جامع اتے دیرپا حل دا خواہشمند اے، پاکستان امریکہ اتے طالبان وچال امن معاہدے سانڳے مشترکہ ذمہ داری دے تحت مصالحانہ کردار ادا کیتے۔وزیر خارجہ اپݨے افغان ہم منصب نال معمولی جرائم پاروں افغانستان دی جیلاں اچ قید پاکستانیاں دی تیکھے رہائی تے وی الوایا۔ ݙوہاں وزرائے خارجہ افغان امن عمل اتے خطے اچ امن واستحکام کیتے مشاورت جاری رکھݨ تے اتفاق کیتے۔
