اسلام آباد – 11 جولاءِ (اي پي پي) وزيراعظم جسٽس (ر) ناصرالملڪ قدرتي ماحول جي تحفظ ۽ موسمياتي تبديلي جي منفي اثرن تي ضابطو آڻڻ جي سلسلي ۾ قدمن جي لاءِ وفاقي ۽ صوبائي حڪومتن جي وچ ۾ رابطا وڌائڻ جي ضرورت تي زور ڏنو آهي. هو موسمياتي تبديلي واري وزارت بابت بريفنگ اجلاس جي صدارت ڪري رهيو هو. موسمياتي تبديلي واري وفاقي وزير محمد يوسف شيخ، وزيراعظم جي سيڪريٽري، موسمياتي تبديلي واري سيڪريٽري، وزيراعظم جي ايڊيشنل سيڪريٽري ۽ ٻين سينيئر عملدارن پڻ اجلاس ۾ شرڪت ڪئي. موسمياتي تبديلي واري سيڪريٽري وزيراعظم کي وزارت جي مينڊيٽ، معاملن ۽ ڪارڪردگي بابت بريفنگ ڏني.
