اسلام آباد۔21جولائی(اے پی پی) وفاقی وزیرداخلہ محسن نقوی پشاور دے علاقے اچ پولیس چیک پوسٹ ارنڈو خوڑ تے فائرنگ دے واقعہ دی مذمت کیتی اے فائرنگ توں شہید تھیوݨ آلے کانسٹیبل سعید اللہ کوں خراج عقیدت پیش کیتے۔جاری بیان اچ وزیر داخلہ محسن نقوی شہید کانسٹیبل سعید اللہ دے خاندان نال دلی ہمدردی تے تعزیت کیتی تے آکھیے کانسٹیبل سعیداللہ ادائیگی فرض دے دوران جان دا نذرانہ ݙے تے شہادت دا اعلی رتبہ پاتے۔ وطن تے جان نچھاورکرݨ آلے شہید کانسٹیبل دی قربانی کوں سلام پیش کریندوں ۔ دہشتگردی دے خلاف جنگ اچ خیبرپختونخوا پولیس دے افسراں اتے نینگراں دیاں قربانیاں ہمیشہ یاد رکھیاں ویسن ۔ دہشتگردی نال نبݨݨ سانڳے قوم ھک اے تے ہرسطح تے غیرمعمولی عزم دا اظہار کیتے۔
.jpg)
